MANILA, Philippines - Patay ang dalawang miyembro ng Cafgu Active Auxillary nang pagbabarilin ng grupo ng New People’s Army ng sumalakay ang mga ito sa detachment ng una sa Brgy Baracatan, Toril District, Davao City kamakalawa.
Ang mga biktimang sina CAA’s Ben Tayo, 26, residente ng Sitio Balabag, Brgy Sibulan, Santa Cruz, Davao del Sur at Joel Adang, 53, ay pinagbabaril ng NPA ng salakayin ang Baracatan Patrol Base sa Purok 1, Brgy Baracatan, Toril District, Davao City dakong alas-2:00 ng hapon.
Gumamit pa ang mga rebelde ng granada para mapasok ang naturang detachment kung saan tumagal ng 30-minuto ang bakbakan saka tumakas ang mga ito patungong Mt. Talomo, Brgy, Sibulan ng nasabing lugar. Tahasang kinondena ni 10th ID Chief Major Gen. Carlos Holganza ang nabanggit na pagsalakay at iniutos na tugisin ang mga tumakas na NPA. Joy Cantos