Nakaambang pananabotahe, nasilat

MANILA, Philippines - Nasilat ng tropa ng militar ang panibagong tangkang pagpapasabog sa Salaam Bridge ng mga armadong ka­la­­lakihan na sinasabing mula sa grupo ng Abu Sayyaf sa Sitio Baitamal sa Brgy. Bato-Bato sa bayan ng In­da­nan, Sulu kamakalawa ng gabi.

Sa ulat ng tang­gapan ni Joint Task Force Comet Commander Brig. Gen. Rus­tico Guer­rero, bandang alas-9:20 ng gabi nang pag­tang­kaan muli ng mga bandidong Abu Sayyaf na pasa­bugin ang nabanggit na tulay kung saan nasilat ng tropa ng mili­tary. Tumagal din ng 15-minutong palitan ng putok sa pa­­gitan ng military at Abu Sayyaf.

Napag-alamang kata­tapos lamang gawin ng nasabing tulay kamakalawa ng hapon matapos ang dalawang beses na bombahin ng Abu noong Oktubre. Joy Cantos