CAMP SIMEON OLA, Legazpi City, Philippines— Aabot sa sampung kilong shabu na sinasabing ikakalat sana sa Kabikulan ang nasabat ng mga awtoridad kamakalawa ng hapon sa Pilar Port sa Barangay Binanuahan sa bayan ng Pilar, Sorsogon.
Ayon kay PDEA Dir. Pedrito Magsino, nasabat ang kilu-kilong shabu sa pampasaherong bangka na M/B Gloria 8 na pag-aari ng Danica Lines.
Ayon sa kapitan ng bangka na si Jerry Tuberon, na inihabilin lamang ng isang Tessie Cervantes ng Masbate City ang sampung kahon upang dalhin sa Pilar at may kukuha na lamang nito doon.
Nasabat ang droga matapos makatanggap ng impormasyon ang kinauukulan na may dadaong na bangka na may kargang droga. Ed Casulla