Ex-vice mayor itinumba

MANILA, Philippines - Patay ang isang dating bise alkalde ng Bayang, Lanao del Sur matapos na tambangan kamakalawa sa Kabacan, Cotabato.

Ang biktimang si dating Vice Mayor Salim Raja­muda, 50 ay tinambangan dakong alas-8:00 ng umaga sa Ulangkaya Compound, Abellera st., Kabacan, Cotabato.

Lumalabas sa imbestigasyon ng pulisya na bigla na lang sumulpot ang mga suspek na sina Abdul Azis Abdulla, Randy Cadatuan Dimolongon at Musanip Bon­dollan, pawang mga residente ng Brgy. Cuyapon ng natu­rang lalawigan, habang sakay ng kulay itim na Kawasaki HD III at may plakang JX 9039 at mabilis na niratrat ang biktima.

Agad din nasakote ng pulisya ang mga suspek sa isi­nagawang follow-up operation at narekober ang cal.45 na baril. Sa ngayon ay nakadetine sa detention cell ng Ka­bacan-Municipal Police Station ang mga suspek at iniim­bestigahan ang motibo ng pananambang. (Joy Cantos)