Sastre nagbigti sa P800 utang

RIZAL, Philippines – Upang takasan ang pagkakautang na P800 sa videoke bar, isang 50-anyos na sastre ang nagbigti kahapon ng umaga sa Ba­rangay Tabing-Ilog sa bayan ng Tanay, Rizal.

Nakabiting natagpuan bandang alas-5 ng umaga sa pag-aaring tailoring shop si Alfredo “Totoy” Ilustre ng Juico Street sa nabanggit na barangay.

Lumilitaw sa imbestigas­yon ng pulisya, na magda­mag na nagsaya sa Kamalig KTV restaurant si Ilustre kasama ang kaibigang si Jericho Deolano, 33, subalit nang magkasingilan sa nakunsumong alak at pulu­tan ay kapwa walang ma­ipambayad.

Ipinaaresto naman sa pulisya ang dalawa subalit matapos ang pakiusapan sa may-ari ng videoke bar ay pinayagan ang magkaibi­gang makauwi para maka­hagilap ng pambabayad sa kanilang nakonsumong alak, pulutan at bayad sa ladies drink.

Gayon pa man, nagu­lantang naman ang mga kaanak ni llustre nang ma­bungaran ang katawan nito sa loob ng tailoring shop na nakabitin sa ki­same.

Nagsasagawa naman ng imbestigasyon ang pulisya upang maberepika na ang pagkakaaresto at hindi pag­babayad sa bar ang isa sa dahilan ng para mag-suicde ang biktima.