BATANGA, Philippines – Dalawang kalalakihan na sinasabing notoryus drug pusher ang naaresto ng mga tauhan ng Philippine Drug Enforcement Agency sa isinagawang drug bust operation sa bisinidad ng Barangay Maligaya sa bayan ng Lemery kamakalawa ng umaga. Pormal na kinasuhan ni P/Chief Inspector Chris Abrajano ng PDEA Region 4-A chief ang mga suspek na sina Arnold De “Banker” Silva at Ernesto V. Lo, III. Armado ng search warrant na inisyu ni Judge Eduardo Peralta ng Manila Regional Trial Court, Branch 17, ni-raid ng pinagsanib na elemento ng PDEA, Batangas police at ng Regional Mobile Group ang bahay ng mga suspek bandang alas-7 ng umaga. Samantala, anim-katao naman ang inimbitahan ng mga awtoridad na sumailalim sa drug test matapos matiyempuhan nasa drug den. Aabot naman sa10 gramo ng shabu na nakalagay sa sachet at mga drug paraphernalia ang nakumpiska sa mga suspek na sinasabing responsable sa pagkalat ng bawal na droga sa Lemery, Calaca at bayan ng Taal. Arnell Ozaeta