CAMP SIMEON OLA, Legazpi City, Philippines — Isang tinedyer ang iniulat na nasawi habang aabot naman sa 11-katao ang nasugatan makaraang magsalpukan ang dalawang traysikel kamakalawa ng gabi sa bisinidad ng Purok 1, Barangay Mahaba sa Ligao City.
Idineklarang patay sa Josefina Belmonte Duran Memorial District Hospital si Cesar Isidro Jr. habang sugatan naman sina Eric Merced, Ronel Tibor, Regie Merced, Marilyn Merced, Nino Isidro, Samuel Isidro, Ailyn Eutebio, Cristobal Vincent Isidro, Raquel Rosales, Vicente Caratao, at si Rodolfo Embedo.
Gayon pa man, ang mga drayber ng traysikel na sina Rudy Arao ng Brgy. Mahaba at Ericzardo Embudo ng Brgy. San Ramon, Oas ay sumasailalim sa imbestigasyon. Ed Casulla