3 kampo ng NPA rebs nakubkob

ABRA, Philippines – Tatlong malala­king kampo ng mga rebel­deng New People’s Army ang nakubkob ng tropa ng militar sa liblib na kagu­batang sakop ng bayan ng Lacub, Abra. 

Kahit masama ang pa­nahon na dulot ng bagyong Pepeng ay sinuyod ng tropa ng 41st Infantry Battalion ang mapunong gubat ng Mt. Bumalayak sa Ba­rangay Buneg kung saan napaulat na nagsisilikas na ang mga rebelde mula sa pinagkukutaang kampo.

Apat na araw na lak­bayin bago nadiskubre ang isa sa pinakamalaking kam­po ng mga rebelde na inabandona kung saan natagpuan ang ilang ka­gamitan, generator, 2 sako ng personal belonging tulad ng damit at footwear, mga celpone, electrical equipments, DVD discs, medical at dental equipments, kitchen utensils, communist flags, propaganda materials at mga do­kumento, ayon kay Lt. Edward Sia-ed

Nakubkob din ang dala­wang abandonadong kam­po ng NPA sa bisinidad ng Mt. Tumalpoc sa Barangay Talampac kung saan na­tag­puan ang dalawang malalakas na kalibre ng baril, iba’t ibang uri ng mga parte ng baril, generators, mga propaganda, DVDs reading materials, radio- te­lephone devices, computers, printers at mga libro.

Nakapaloob din sa kampo ang 24 na kubo na sinasabing training site kung saan ginagawa ring meeting place ng ilang left-leaning sectoral leader. Artemio Dumlao