Ambus: Vice mayor dedo

MANILA, Philippines - Isang bise alkalde ang kumpirmadong nasawi makaraang pagbabarilin ng mga maskaradong kalalakihan sa bisinidad ng Kaskag, Bagong Silang 2 sa Surigao City, Surigao del Norte kamakalawa ng gabi. Kinilala ng pulisya ang biktima na si Nasario Gastardo , 51, may asawa at bise alkalde ng San Francisco, Surigao del Norte. Sa inisyal na ulat na nakarating sa Camp Crame, bandang alas-6:30 ng gabi nang lapitan at ratratin ang biktima na sinasabing napuruhan sa ulo. Nagawa pang isugod ang biktima sa Miranda Family Hospital sa Surigao City subali’t nabigong maisalba. Joy Cantos