Cavite Cooperative Month ipagdiriwang

TRECE MARTIRES CITY, Cavite , Philippines  – Idaraos bukas ang pagdiriwang ng Cavite Cooperative Month na may temang Koope­ratiba: Tugon sa Pandaig­digang Kagipitan, Kaaga­pay sa Kaunlaran.”

Sa pangunguna ni Ca­vite Governor Ayong Ma­liksi, itatampok sa pagdi­riwang ay ang trade fair and exhibits, health awareness seminar ng UNIMED Health Services Cooperative.

Kabilang sa mga dadalo sa nabanggit na okasyon ay sina Senators Noynoy Aquino at Mar Roxas bi­lang pangunahing taga­pag­salita.

Magiging tagapagsalita ng 2nd Cavite Cooperative Leaders Conference sina CDA Specialist Rowena Fruto, Dr. Emmanuel San­tiaguel, Director Nonie Hernandez at Cooperative Union of Cavite Chairman Gilchor Cubillo.

Pararangalang lider ng kooperatiba ay sina Dr. Oscar J. Tayko bilang Outstanding Coop Elder at Carmona Mayor Roy Lo­yola bilang Outstanding Mayor on Cooperative Development. 

Sa kasalukuyan, kini­kilala ang Cavite bilang Cooperative Province of the Philippines dahil sa pagtala ng P2.019 bilyong kinita, mga transaksyon na uma­abot sa P3.293 bilyon at may aktibong miyembro na 66,916.

Binigyan din si Gov. Maliksi ng parangal bi­lang Icon of Cooperation dahil sa pagsuporta sa ko­operatibismo. Arnell Ozaeta