Pulis nahulog mula sa bubong, dedo

CAMP SIMEON OLA, Legazpi City , Philippines   – Dahil sa pag­hahanda sa pagragasa ng Bagyong “Pepeng,” isang alagad ng batas ang iniulat na nasawi maka­raang mahulog mula sa bubungan ng kanilang bahay noong Biyernes ng hapon sa Barangay Pacol, Naga City, Camarines Sur.

Idineklarang patay sa Mother Seton Hospital si PO3 Edgardo Moreno na nakatalaga sa himpilan ng pulisya sa bayan ng Ragay.

Base sa ulat, nagpa­alam sa kanyang opisyal sa himpilan ng pulisya si PO3 Moreno para ayusin ang bubungan ng kanilang bahay dahil sa pagha­danda sa pagdating ng supertyphoon “Pepeng” na napaulat na mananalasa sa Kabikulan.

Napag-alamang umak­yat sa bubungan ng kani­lang bahay si PO3 Moreno na bitbit ang mga kailangan habang umiihip ang hanging may dalang pabugsu-bugsong ulan.

Gayon pa man, sa ka­lagitnaan nang pagkukum­puni ng bubungan sa hindi inaasahang pagkakataon ay nadulas ang biktima at bumagsak na una ang ulo sa sementadong lapag.

Kaagad naman naisu­god sa nabanggit na ospital ng ilang kaanak si PO3 Moreno subalit kinarit na ni kamatayan dahil sa pag­kabasag ng bao ng ulo.