Angat Dam nagpakawala uli ng tubig

BULACAN , Philippines  – Muli na na­mang nagpalabas ng tubig ang Angat Dam para panatilihin ang kaukulang level ng tubig at pre­parasyon sa napipintong pag­dating ng dalawang pang bag­yo sa darating na mga araw.

Bandang alas-10 ng uma­ga kahapon ay sinimulang mag­­pakawala ng may 500 cubic meters ng tubig na tatagal hanggang Huwebes upang mabawasan ang tubig na na­kaimbak sa nabanggit na dam.

Kabilang sa mga bayang da­daluyan ng tubig ay ang Nor­zagaray, Angat, Bustos, Bali­wag, Plaridel, Pulilan, at ang ba­yan ng Hagonoy.

Inaasahang tatagal pa ng dalawa at kalahating oras ang daloy ng tubig mula sa Angat Dam bago pumasok sa 7-ba­yan na dadaanan nito hang­gang makarating sa Manila Bay.

Sa kasalukuyan ay nasa 214.563 na ang antas ng tubig sa Angat Dam at  kinakaila­ngang maibaba ito sa 212 me­trong antas sakaling muling dumaloy ang tubig na sanhi ng dalawang bagyo na papa­sok sa bansa.

Dahil sa pagbabawas ay agad na inabisuhan ng Provincial Disaster Coordinating Office na si Perlita Mendoza ang lahat ng maapektuhang bayan na maging alerto sa gagawing pag­babawas ng tubig subalit wala namang dapat ipangam­ba ang mga residente dahil sa kailugan naman ito dadaloy at normal la­mang ang magi­ging agos ng tu­big.  Boy Cruz at Dino Balabo