MANILA, Philippines - Patay ang dalawang katao at tatlo ang sugatan matapos na magbanggaan ang dalawang motorsiklo sa Brgy. Guimod, Bantay, Ilocos Sur, kamakalawa.
Kinilala ang mga namatay na biktima na sina Paulino Palomares, at Sammy Anicas habang sugatan namang isinugod sa ospital sina Daryll Vladimir Villegas,15; Jeff Torres at Alex Anicas Ponce.
Sa ulat ng pulisya, nagkasalubong ang sinasakyang motorsiklo ng mga biktima kung saan nag-overtake ang motorsiklo nina Palomares, Villegas at Torres. Isinasailalim pa ng mga awtoridad sa masusing imbestigasyon ang insidente. (Joy Cantos)