Pusher na lola dinakma

OLONGAPO CITY, Philippines – Rehas na bakal ang binagsakan ng isang 60-anyos na lola na sinasabing notoryus na drug pusher makaraang maaresto ng pinagsanib na puwersa ng City Intelligence Unit at Anti-Illegal Drugs Special Operations Task Force ng Olongapo City PNP sa isinagawang buy-bust operation kahapon ng madaling-araw sa Perimeter Road, Barangay Pag-Asa, Olongapo City. Pormal na kinasuhan ang suspek na si Lolita Lansangan na nakumpiskahan ng 5 bloke ng pinatuyong da­hon ng marijuana na may street value na P50,000 at P500 marked money na ginamit sa buy-bust. Ayon kay P/Senior Supt. Oscar Albayalde, isinagawa ang buy-bust bandang ala­una ng madaling-araw sa labas ng bahay ng suspek. Alex Galang