Municipal treasurer grabe sa ambus
MANILA, Philippines - Kasalukuyang nakikipaglaban kay kamatayan ang isang municipal treasurer makaraang tambangan ng motorcycle-riding gunmen sa pagtatapos ng Eid’l Fitr sa lalawigan ng Maguindanao noong Lunes ng hapon.
Kinilala ng pulisya ang biktima na si Arlend Biruar Lidasan, 40, ingat-yaman ng munisipalidad ng Datu Blah Sinsuat at nakatira sa bayan ng Parang, Maguindanao.
Batay sa police report na nakarating sa Camp Crame, naganap ang pananambang sa panulukan ng Jose Lim at Doroteo Avenue pasado alas-4 ng hapon.
Napag-alamang minamaneho ni Lidasan ang kaniyang Honda CRV papauwi na sa bayan ng Parang nang dikitan at pagbabarilin ng motorcycle-riding assassin.
Pinaniniwalaan namang may kinalaman sa clan war ang pamamaril kay Lidasan habang patuloy ang imbestigasyon sa kasong ito. Joy Cantos
- Latest
- Trending
