19 Abu, 9 sundalo utas sa encounter

MANILA, Philippines - Umaabot sa labinsiyam na bandidong Abu Sayyaf at siyam na sundalo ng Philippine Marines ang iniulat na napaslang maka­raang su­mik­lab ang bak­bakan sa pag­kakasilat sa planong panana­botahe kung saan magtata­pos ng Ramadan (Eid al-Fitr) sa isinagawang air at ground strike operations sa bisini­dad ng Sitio Tali­­bang, Brgy. Buan­sa, sa bayan ng Inda­nan, Sulu kamakalawa.

Ayon sa ulat ng regional command na si Major Gen. Ben Mohammad Dolor­fino, dalawang bangkay ng ban­dido ang narekober kung saan ayon sa intelligence asset ay tinangay ng mga nag­sitakas na kasa­ma­hang ban­dido ang iba pang bang­kay ng kalaban.

Kabilang sa mga nasu­ga­tan ay tatlong Marines at da­lawa namang kawal ng Philippine Air Force na na­isu­god naman sa opsital.

Pansamantalang ’di muna ibinunyag ang mga pangalan ng mga sunda­long namatay.

Bandang ala-1:45 ng hapon nang makasagupa ng tropa ng militar  ang si­nasa­bing 220 tauhan nina Abu Sayyaf Commander Alba­der Parad, Isnilon Hapilon at Ku­mander Doc Abu Pula.

Base sa ulat ng militar na may planong manabo­tahe sa Eid al-Fitr ang mga bandido na nakasagupa ng militar kung saan nagsisi­baba ang mga ito sa kapa­tagan para uma­take kaya masyadong marami ang nagtipong pu­wersa. 

Napag-alamang nakub­kob ng tropa ng pamaha­laan ang kampo ng mga ban­dido mula sa may 1,000 talampa­kang tarik matapos na magsi­takas ang grupo sa pagka­lagas ng kanilang puwersa. 

“Very significant itong operation kasi ito yung pinaka-sanctuary ng mga bandido, this is just one kilometer from the Moro National Liberation Front camp kaya ‘di-sila basta magalaw dito baka mada­may yung MNLF,” ayon kay Dolor­fino matapos na bag­sakan na ng mga bomba ang kinalalag­yan ng mga bandido.

Sa kasalukuyan, ay kon­trolado na ng militar ang sit­wasyon at sa katu­nayan ay nagtaas na sila ng ban­dila ng bansa bilang simbolo na na­kubkob na ang pina­kamala­king kuta ng mga bandido na hindi naakyat sa loob ng 40-taon.

9 sundalo dedo rin sa ambus

Samantala, siyam na sun­dalo ng Philippine Marines at limang teroristang Abu Sayyaf ang iniulat na napaslang habang siyam pang sundalo ang nasuga­tan matapos tamba­ngan ng ekstremistang grupo sa liblib na Sitio Talatac sa Brgy. Bato-Bto sa bayan ng Inda­nan, Sulu kahapon ng ha­pon.

Ayon kay AFP Public Information Office Lt. Col. Romeo Brawner Jr, kasalu­kuyang pabalik na ang tropa ng 4th Marine Battalion Landing Team 4 lulan ng anim na military ve­hicle sa kanilang base nang tamba­ngan ng mga bandido.

Sa kabila ng sorpresang pag-atake ay gumanti ng putok ang mga sundalo kung saan nagkaroon ng mainitang putukan na tuma­gal ng hang­gang alas-5:30 ng hapon.

Ang tropa ng pamaha­laan ay galing sa operasyon mula sa kampo ng mga Abu Sayyaf sa Sitio Talibang, Brgy. Buan na nakubkob ng tropa ng pamahalaan. Joy Cantos