2 angkan nagsagupa: 3 todas

MANILA, Philippines - Umaabot na sa tatlo-katao ang iniulat na nasawi, habang 400 pamilya naman ang nagsilikas para hindi madamay sa kagu­luhang naganap sa pagitan ng magkalabang angkan sa Maguin­danao. Sumiklab ang kaguluhan sa pagitan nina Pa­galungan Vice Mayor Salik Mamasabulod at Datukan Ku­mander Lastikman sa Barangay Damasalak sa Pagalu­ngan.

Ayon sa ulat ng National Disaster Coordinating Council, nag-umpisa ang gulo matapos mapatay ng grupo ni Kumander Las­tikman ang isa sa kaanak ni Vice Mayor Mamasabulod.

Napag-alamang sinunog din ni Kumander Lastikman ang 27 kaba­hayan sa  Barangay Balongis sa bayan ng Pikit, North Cotabato kung saan nagsilikas ang may 400 pamilya.

Nagpakalat na rin ng karag­dagang pu­wersa ang pulisya at militar sa mga Brgy. Damalasak at Bolangis at iba pang lugar sa Pagalungan at Pikit para magbigay seguridad sa mga residente. (Ricky Tulipat)