5 konsehal sinuspinde

BATAAN , Philippines   – Nilagdaan na kahapon ni Bataan Governor En­rique Garcia Jr. ang 60- araw na suspension order laban sa limang konse­hal ng bayan ng Bagac ma­ta­pos na irekomenda ng mga miyembro ng Sanggu­niang Panlalawigan kaug­nay sa reklamo ng al­kalde.

Inatasan ng gobernador ang local na sangay ng Department of Interior and Local Government sa pamu­muno ni Es­piridion Calara na isilbe ang sus­pension order laban kina Councilor Noel del Rosario, Merce­dita Arellano, Daniel Ban­zon, Larry Banatugan at Councilor Guillermo Mendoza Jr.

Ang pagkakasuspinde sa mga konsehal ay bunsod ng reklamo ni Bagac Mayor Ra­mil del Rosario kaugnay sa hindi pagtupad ng kani­lang tungkulin, pagmamala­bis ng kanilang posisyon at gross misconduct.

Isa sa mga reklamo ni Mayor del Rosario ay ang hindi pag-aaproba ng 2009 annual budget ng munisipyo kung saan hindi nakatang­gap ng suweldo ang 200 kawani na nasa job order sa loob ng walong buwan.

Nagkasundo naman ang mga miyembro ng Sang­gu­ niang Panlalawigan na ireko­menda ang suspension order kay Gov. Garcia kung saan nilagdaan. (Jonie Capalaran)