P1.3-mil­yong ari-arian winasak ng ipu-ipo

BULACAN , Philippines   – Tinata­yang aabot sa P1.3 mil­yong air-arian ang nawa­sak maka­raang manalasa ang ipu-ipo sa apat na bayan sa Bulacan kamaka­lawa ng hapon.

Sa ulat ng Provincial Disaster Coordinating Office na pinamumunuan ni Laz Mon­cal, kabilang sa mga ba­ yan na sinalanta ng bu­hawi ay ang mga bayan ng Balagtas, Guiguinto, Bo­caue at ang bayan ng Ba­liwag.

Napag-alamang nawa­sak ang mga bubong ng pampublikong palengke, mga kabahayan, tindahan, palayan at ang bubong ng wai­ ting shed kung saan da­lawang sibilyan ang nasuga­tan habang dala­wang sasak­yan naman ang nasira.

Sugatang isinugod sa Bulacan Medical Center sina Cesar James Alcaraz, 19; ng Brgy. San Juan; at Eduardo Tusol, 22, ng Brgy. Santol, sa bayan ng Balagtas.

Maging ang traysikel (RR 8818) ni Arnold Cas­tillo ng Brgy. San Juan ay hinigop ng ipu-ipo habang nawasak naman ang liku­rang bahagi ng Toyota Vios (ZSF 451) ni Eutiquio Ta­mon ng Brgy. Panginay.

Nasugatan din si Eduar­do Tuboy Jr. ng Northville 6, Brgy.Santol dahil nabag­sakan ng yerong bubong.

Makalipas ang ilang mi­nutong pananalasa ng ipu-ipo ay bumuhos ang ma­lakas na ulan kung saan nagka­buhul-buhol naman ang trapiko. (Boy Cruz at Dino Balabo)