Retiradong doktor dedo sa akyat-bahay

CAMP VICENTE LIM, Laguna, Philippines –  Napaslang ang isang 70-anyos na retira­dong doctor na Kano maka­raang pagtulungang sak­sakin ng mga ’di-pa kilalang kalalakihan na nanloob sa kanilang bahay sa Tagaytay City noong Lunes ng gabi.

Kinilala ni P/Supt Joseph Javier, hepe ng Tagaytay City PNP, ang napatay na si Frank Joseph Michaelski ng Wallnut Street, South­ridge Subdivision sa Ba­rangay Sungay West.

Sugatan naman ang asa­­wa ni Frank Joseph na si Amy, 70, matapos mag­tamo ng mga saksak at hiwa sa kan­yang kamay at ibat-ibang bahagi ng ka­tawan.

Ayon sa police report, nakatanggap ng tawag sa telepono ang Tagaytay PNP mula kay Dr. Benjamin Vic­toria na kapitbahay ng mag-asawa sa naganap na insi­dente bandang alas-8:46 ng gabi.

Sa salaysay ni Amy, la­king gulat na lang nito nang ma­kita ang kanyang du­guang asawa na nakahan­dusay sa sahig ng kanilang bahay.

Pababa na ng hagdanan si Amy para tulungan ang kanyang asawa nang ma­ka­salubong nito ang da­lawang lalaki na papaakyat naman ng kanilang bahay hang­gang undayan siya ng ilang saksak bago nagsi­takas.

Dead-on-the-spot si Frank Joseph matapos magtamo ng saksak sa likurang bahagi ng katawan habang isinugod naman sa Tagaytay Hospital si Amy.

Inilarawan naman ni Amy ang mga killer na may taas na 5’6 hanggang 5’7, payat, nakasuot ng itim na t-shirt, black jacket at naka-bull cap na kasalu­ kuyang pinagha­hanap ng pulisya. (Nina Arnell Ozaeta at Cristina Timbang)