Magsasaka dinedo dahil sa lupa

KIDAPAWAN CITY , Philippines   – Pinaniniwalaang agawan sa sinasakang lupain ang isa sa motibo kaya napaslang ang isang magsasaka, habang sugatan naman ang dalawa nitong anak makaraang ratratin ng mga ‘di-pa kilalang kalalakihan sa Brgy. Gli-Gli sa bayan ng Pikit, North Cotabato, kamakalawa ng gabi.

Kinilala ni P/Insp. Elias Dandan, hepe ng Pikit PNP, ang nasawi na si Dindo Apatan, 34, habang ginagamot naman sa ospital sina Hazel, 9; at Luke, 4.

Base sa polic report, nanonood ng telebisyon ang mag-aama nang pagbabarilin sa loob ng kanilang tahanan.

Napag-alamang inaangkin ng ilang pamilyang Moro ang lupaing sinasaka ng biktima sa nabanggit na lugar kung saan katabi ng Barangay Bulod na pinamamahayan ng mga Moro na sinasabing konektado sa mga rebeldeng Moro Islamic Liberation Front. Malu Manar