Mall nilooban, P4 milyon nalimas

MANILA, Philippines - Umaabot sa P 4 milyong halaga ng iba’t ibang uri ng alahas ang natangay ng robbery gang makaraang pasukin ang isang jewelry shop sa loob ng mall kamakalawa ng madaling-araw sa Tuguegarao City, Cagayan.

Base sa police report, bandang alauna ng madaling-araw nang pasukin ang Chin Chin Jewelries and Watches Shop sa Brickstone Mall sa Brgy. Pengue-Ruyu.

Napag-alamang dumaan ang mga kawatan sa ikat­long palapag ng Cinema One kung saan dinis­armahan at iginapos ang security guard na si Apolonio Sales.

Sa pamamagitan ng bolt cutter ay napasok ang jewelry shop na pag-aari ni Filipina Meligrito kung saan ay tinangay ang mga alahas at relo na nagkakahalaga ng P4,300,000. (Joy Cantos)