Rebulto ni Cory itatayo sa Tarlac City
MANILA, Philippines - Itatayo ng lokal na pamahalaan ng Tarlac City ang rebulto ni yumaong Pangulong Corazon Aquino bilang pagkilala sa pagiging ina nito ng demokrasya sa bansa.
Sinabi ni Tarlac City Mayor Genero Mendoza, na magsusumite siya ng resolution sa City Council para maipatupad ang pagpapatayo ng monumento ni Tita Cory sa harapan ng San Sebastian Church sa Poblacion.
Dating nakatayo ang rebulto ni dating Senador Benigno Aquino na inilipat naman sa ibang lugar at posibleng ang rebulto ni Tita Cory ang hahalili rito upang maipagmalaki ng mga taga-Tarlac bilang simbolo ng demokrasya sa bansa at ehemplo ng lahat ng Pilipino.
Isasailalim din ito sa conceptualization at hihingi ng mga panukala ng lahat upang maging pulido at hindi pabalik-balik ang paglikha ng rebulto. (Danilo Garcia)
- Latest
- Trending
