CAMP SIMEON OLA, Legazpi City, Philippines – Isang dating alkalde ng Prieto Diaz, Sorsogon na si Platon Victoria ang inaresto ng pulisya sa kanyang bahay sa naturang bayan kamakalawa ng hapon dahil sa arrest warrant na ipinalabas ng Gubat, Sorsogon Regional Trial Court kaugnay ng kinakaharap niyang kasong estafa. (Ed Casulla)
2 holdaper timbog
DINALUPIHAN, Bataan, Philippines – Dalawang hinihinalang holdaper na sina Ruben E. Monteras, 39, ng Samal, Bataan at Aris Macaspac, 25, ng Lubao, Pampanga ang nadakip ng pulisya habang nag-aabang sila ng bago nilang biktima sa Barangay Tucop sa bayang ito kamakalawa ng umaga. Ayon sa pulisya, ang dalawa ay sangkot sa mga panghoholdap sa ilang bayan sa lalawigang ito at kalimitang bumibiktima ng mga negosyanteng Bombay. (Jonie Capalaran)
2 GRO tiklo sa droga
MALOLOS CITY, Bulacan, Philippines – Dalawang guest relation officer na sina Jane Llavore, 21, at Grace delos Santos, 21, kapwa residente ng Caloocan City, ang nadakip at ikinulong ng pulisya sa isang drug-bust operation sa isang shopping mall sa Barangay Mujon sa lunsod na ito kahapon. Nakumpiska sa mga suspek ang apat na sachet ng shabu at marked money. (Boy Cruz)