CAMP SIMEON OLA, Legazpi City, Philippines —Tinambangan at napatay ang isang miyembro ng Citizens Armed Forces and Geographical Unit ng mga rebeldeng New People’s Army kamakalawa ng hapon sa Sitio Tractora, Barangay Bagong Sirang sa bayan ng Sipocot, Camarines Sur.
Kinilala ng pulisya ang napaslang na si Rodel Baesa ng Sitio Mantapaya, Barangay Lubigan Jr. at nakatalaga sa PA/CAA detachment sa Barangay Samay sa bayan ng Ragay.
Napag-alamang dumalaw ang biktima sa kanyang kapamilya nang harangin at pagbabarilin ng mga rebelde habang pabalik na sa kampo. Ed Casulla