MANILA, Philippines – Isa na namang Tsinoy trader ang iniulat na napaslang makaraang ratratin ng mga ‘di-pa kilalang lalaki kamakalawa ng madaling-araw sa Cotabato City. Sa ulat ni P/Senior Supt. Willie Dangane, na isinumite sa Camp Crame, lumilitaw na magsasarado na ng pag-aaring videoke bar sa Sousa Street ang biktimang si Roland Lim, 39, nang lapitan at pagbabarilin ng dalawang kalalakihan.
Bago ito, sinasabing dalawang lalaki na tumangging magbayad sa mga nainom na alak sa videoke house kung saan nakaaway ng biktima. – Joy Cantos