Chairman ng transport group niratrat

DARAGA, Albay, Philippines — Ka­sa­lukuyang nakikipaglaban kay kamatayan ang provincial chairman ng organi­sas­yon ng mga driver at operator ng traysikel na sinasabing naghahanda sa malawakang transport strike makaraang pagba­ba­rilin ng mga ‘di-pa kila­lang kalalakihan sa hara­pan ng gasolinahan sa bayan ng Daraga, Albay kahapon ng madaling-araw.

Naisugod naman ng kanyang mga kasamahang drayber sa Bicol Regional Training and Teaching Hospital si Joel Ascotia na residente ng Barangay Pawa sa Legazpi City.

Si Ascotia ay tumata­yong provincial chairman ng Concerned Drivers and Operators for Reform (CONDOR) sa ilalim ng Pinagkaisang Samahan ng Transportasyon at Operator Nationwide (PISTON)-Bicol.

Sa ulat ni P/Insp. Ayn Na­tuel, naganap ang kri­men bandang alas-4:20 ng madaling-araw habang ang biktima kasama ang ilang opisyal at miyembro ng ka­nilang grupo ay nagha­han­da sa isasa­gawang mala­wakang transport strike.

Sakay ng motorsiklo ang dalawang ‘di-pa kila­lang kalalakihan nang la­pitan at pagbabarilin ang biktima kung saan nagka­lasan ang ilang kasama­hang drayber na nagpupu­lung-pulong sa nabanggit na lugar.

May teorya ang ilang kasamahan ng biktima na may kaugnayan sa transport strike ang motibo ng krimen. (Ed Casulla)