50 newsmen hinarang ng militar

MANILA, Philippines – Umalma ang may 50 ma­mamahayag na sinasabing ka­ramihan ay nagmula pa sa May­nila makaraang maha­rang sa checkpoint ng militar sa ba­yan ng Guindulungan, Maguin­danao kahapon ng umaga.

Napag-alamang patungo sana ang mga mamamaha­yag na lulan nang walong sa­sak­yan sa evacuation center na tinu­tuluyan ng mga na­apek­tuhan ng giyera ng mi­litar at Moro Islamic Liberation Front renegades sa bayan ng Datu Piang  nang harangin ng tropa ng militar.

Agad namang nilinaw ni Army’s 601st Infantry Brigade Commander Col. Me­dardo Geslani, na pananda­lian la­mang hinarang ang mga ma­mamahayag dahil marami pang bomba na nakatanim sa highway bilang bahagi ng security measures.

“Hindi pa clear ‘yung ruta, maraming improvised explosive device (IED) na itina­nim ang MILF rogue elements, kaya hindi sila pinapasok kaagad, mahirap na eh, kargo (responsibility) natin ‘yung may mangyari sa kanila,” paliwa­nag ni Geslani sa phone interview. Tinukoy pa ng opis­yal na sa ilang linggong operasyon laban sa grupo ng pasaway na si 105th Base Commander Ameril Umbra Kato, aabot na sa 45 bomba ang narekober ng tropa ng militar. - Joy Cantos