Mag-asawa tinodas ng kapitbahay

CAMP VICENTE LIM, Laguna, Philippines — Dahil sa matin­ding galit na­gawang pag­ba­barilin hanggang sa mapatay ang mag-asawa ng kanilang ka­pitbahay na mister ka­hapon ng umaga sa Ba­rangay Canlubang, Calam­ba City, Laguna.

Kinilala ni P/Senior Supt. Manulito Labador, La­guna police director, ang mag-asawang sina Mar Asido, 46, security guard at asawa nitong si Elizabeth Asido, 35, kapwa nanini­rahan sa Block 10, Lot 7 sa Sitio Palao ng nabanggit na barangay.

Lumilitaw sa police report, katatapos lamang mag-almusal ng mag-asa­wang Asido nang biglang dumating ang suspek na si Andy Godines, 51, na ar­mado ng 9mm na baril ban­dang alas-9: 45 ng umaga.

Sa salaysay ng anak ng mag-asawang Asido na si Mark Brian, 14, kitang-kita niya ng pagbabarilin ang kanyang mga magulang na unang napatay kaagad ang kanyang ina.

Naitakbo pa sa Calam­ba Trauma Center ang ama nitong si Mar pero namatay din ito dahil sa mga tama ng bala ng baril sa ibat-ibang bahagi ng katawan.

Mabilis namang na­aresto ang suspek na si Godines ng mga barangay tanod at pulisya.

Sa inisyal na imbesti­gas­yon ng pulisya, nagawa ng suspek ang pamamaril dahil sa sinasabing pang-iinsulto sa kanya ni Mar sa tuwing sila ay magkikita.

Nahaharap sa kasong double murder ang sus­ pek na kasalukuyang na­kapiit sa himpilan ng pu­lisya. (Dagdag ulat ni Ed Amoroso)