Patayan sa Ilocos Norte lumalala

LAOAG CITY, Ilo­cos Norte, Philippines – Hindi lili­pas ang isang araw na wa­lang pinapatay sa Ilocos Norte kung saan isa na namang abo­gado ang pinagbabaril hanggang sa mapatay noong Bi­yernes sa bahagi ng Barangay Calambeng sa bayan ng Piddig sa Ilocos Norte. Napag-alamang nagpaalam ang bikti­mang si Atty. Eddie Gregorio sa kan­yang kaibigang lawyer para makipagpulong sa isang kliyente subalit sinalubong siya ni ka­matayan. Ayon sa ilang nakasaksi sa krimen, nilapitan ang biktima ng ‘di-pa kilalang lalaki bago pinagbabaril.

Matatandaang isang pulis ang binaril at na­patay sa harap ng cockpit arena sa bayan ng Dingras, kung saan makalipas lamang ng isang linggo ay tinam­bangan at napatay ang isa na namang pulis sa bayan ng Batac, Ilocos Norte.

Niratrat at napatay na­man ang mag-ama sa loob ng kanilang ta­ha­nan sa bayan ng Solsona.

Isinisi naman ng pulisya ang nagkalat na baril na walang kauku­lang dokumento sa na­banggit na lalawigan partikular na ang guns-for-hire. Artemio A. Dumlao