6 Sayyaf bumuwal

MANILA, Philippines – Anim na miyembro ng bandidong Abu Sayyaf at dalawang tauhan ng Philippine Marines ang nasawi sa isang eng­kuwento sa Indanan, Sulu kahapon ng umaga. Sinabi ni Marine Lt. Col. Edgard Arevalo na ang nasawing mga bandido ay kabilang umano sa mga dumukot sa Italyanong si Eugenio Vagni ng International Committee of the Red Cross. Sinabi pa ni Arevalo na nagsasagawa ng combat operations ang mga sundalo nang maka­sa­gupa nila ang grupo nina Abu Sayyaf Commander Alba­der Parad at Abu Jumdail alyas Doc Abu Pula. Sumiklab ang sagupaan sa bahagi ng pinagkukutaan ng mga kidnapper sa Sitio Tandu Pugot sa Timahu, Indanan. Sa kasagsagan ng bakbakan, sinabi ni Arevalo na nalagasan sila ng dalawang tauhan ng Philippine Marines habang apat pa sa tropang gobyerno ang nasugatan. Gayunman, nabigong matagpuan sa lugar si Vagni. (Joy Cantos)