10 sundalo nilason ng MILF

MANILA, Philippines – Gumagamit na rin ng biological weapon ang mga rebel­ deng Moro Islamic Liberation Front.

Ito ang ipinahiwatig kaha­pon ni Armed Forces of the Phi­lippines-Public Information Chief Lt. Col. Romeo Braw­ner na nagsabi na hinaluan ng lason ng MILF ang isang water spring o balon na suplay ng tu­big sa Guindulungan, Maguin­da­nao habang hinahabol ng mga sundalo noong Lunes.

Dahil dito, 10 scout ran­ger ng Philippine Army ang nalason nang uminom ng tu­big sa na­turang bukal ha­bang hinahabol ang grupo ni MILF Commander Ameril Umbra Kato.

Kinondena ni Brawner ang ginawa ng MILF dahil labag anya ito sa panuntu­nan sa giyera.

Ilang oras matapos na ma­­ka­inom ng tubig ang mga sun­dalo ay nakaramdam ang mga ito ng pagkahilo, pana­nakit ng ti­yan, ulo at matin­ding pagsu­suka.

Agad silang isinugod sa Camp Siongco Station Hospital sa Awang, Maguinda­nao.

Gayunman, sinabi ng opis­yal na wala namang na­damay na sibilyan sa insi­dente dahil nag­­sili­ kas ang mga residente ng nasa­bing lugar para makaiwas na ma­ipit sa labanan ng mga re­belde at ng mga sundalo. (Joy Cantos)