14-taong kulong sa 3 karnaper

CAMARINES NORTE, Philippines – Labing-apat na taong pagka­bilanggo ang inihatol ng korte sa tatlong kalalakihan mata­pos mapa­tunayang pumatay sa isang drayber at pagnana­kaw ng traysikel nito noong Agosto 1999 sa Brgy. Mam­ba­lite sa bayan ng Daet, Ca­marines Norte.

Sa 12-pahinang desis­yon ni Judge Roberto A. Escaro ng Daet Regional Trial Court Branch 38, bu­kod sa pagka­kulong ay pinagbabayad ng P.3 mil­yon bilang danyos per­wisyo ang mga akusadong sina Rene Abarca, Randy Ron­cesvalles at Homer Pesit sa pamilya ng biktimang si Ferdinand Bello.

Sa rekord ng korte, lumi­litaw na pinagtulungang pa­tayin ng tatlo ang biktima noong gabi ng August 25, 1999, bago ninakaw ang traysikel ng huli. Lingid sa kaalaman ng tatlo ay namataan ng isang lalaki ang krimen kaya tumayong testigo sa korte laban sa mga aku­sado.

Pinawalang sala naman sina Allan Roncesvalles at Rey Fernandez dahil sa ka­kula­ngan ng ebidensya. (Francis Elevado)