CAVITE, Philippines – Dahil sa paghahabol sa sinitang pampasaherong jeepney ay maagang kinarit ni kamatayan ang isang traffic aide matapos mahulog sa sinabitang sasakyang kamakalawa ng gabi sa Aguinaldo Highway sa Tagaytay City, Cavite. Napatay sa Tagaytay Medical Center si Thelmo Quilao, 49, miyembro ng Tagaytay Public Safety Unit at ng Brgy. San Jose. Sumuko naman sa pulisya ang drayber na si Arman Bugagaom, 19, ng Brgy. Banilad, Nasugbo, Batangas. Sa police report, lumilitaw na sinita ng biktima si Bugagaom dahil sa pananatili nitong nakaparada sa gilid ng highway. Nang magtalo ang dalawa ay pinaharurot ng drayber ang dyip subalit mabilis na sumabit ang biktima kung saan nawalan ito ng balanse at nahulog sa sasakyan. - Cristina Timbang