CAMP SIMEON OLA, Legazpi City, Philippines – Naudlot ang kasayahan sa sayawan matapos na makuryente ang isang 24-anyos na lalaki sa talop na linya ng sound system kahapon ng madaling-araw sa Brgy. Quibongbongan, sa bayan ng Guinobatan, Albay. Idineklarang patay sa ospital si Arthur Rodriguez kung saan katatapos pa lamang magsayaw at papaupo na sana sa gilid ng sound system nang aksidenteng mapahawak sa talop na linya ng kuryente. Nagdulot ng tensyon at natigil ang sayawan nang mamataan nangingisay ang biktima sa kinalalagyan. - Ed Casulla