Shootout: 7 holdaper tumba

RIZAL, Philippines –  Pitong arma­dong kalalakihan na sina­sabing miyembro ng Wa­ray-Waray robbery/hold-up group ang iniulat na napa­tay matapos makipagba­rilan sa mga awtoridad ka­hapon sa bisinidad ng Sitio Palinglingan, Ba­rangay San Juan, Antipolo City, Rizal.

Bineberipika pa ng pu­lisya ang pagkikilanlan ng mga armadong napatay habang narekober naman ang M16 Armalite rifle, limang maiksing baril at isang granada.

Sa police report na nakarating kay P/Senior Supt. Ireneo Dordas, naga­nap ang sagupaan dakong alauna ng hapon kung saan sinalakay ng pulisya ang pinagkukutaan ng mga armadong kalalakihan sa nabanggit na barangay.

Bago maganap ang shootout, namataan ng im­por­mante ng pulisya ang grupo na may mga bitbit na baril kaya kaagad na ipi­nagbigay-alam sa kinau­ukulan.

Dito na bumuo ng pang­kat ang pulisya para sa follow-up operation subalit papa­lapit pa lamang ang mga awtoridad ay umali­ngaw­ngaw ang sunud-sunod na putok mula sa kuta ng mga suspek kaya napilitang gumanti ang pangkat ng pulisya.

Nang mahawi ang usok ay nakabulagta sa loob ng safehouse ang pitong ar­madong kalalakihan ha­bang wala naman iniulat na nasugatan o nasawi sa panig ng pulisya.

Nasamsam sa pinang­ya­rihan ng shootout ang ilang papeles na sinasa­bing puntirya ay isang pawnshop sa bayan ng Cainta, Rizal kung saan ga­gamiting kuta ang inu­pahang bahay. - Danilo Garcia