MANILA, Philippines - Apat katao ang nasawi matapos na magkrus ang landas ng dalawang magkalabang angkan ng pasaway na grupo ng mga rebeldeng Moro Islamic Liberation Front sa naganap na bakbakan kamakalawa ng gabi sa Maguindanao.
Ayon kay Lt. Col. Jonathan Ponce, tagapagsalita ng 6th ID ng Philippine Army, dakong alas-6:30 ng gabi nang lusubin ng grupo ni Jing Caludtiag, field commander ng MILF, ang hideout ng grupo ni Commander Randy Karon sa Sultan Kudarat at Sinsuat ng lalawigan.
Ang angkan nina Caludtiag at Karon ay matagal nang may alitan na sa tuwing magpapanagpo ay nagbabakbakan.
Sa nasabing insidente ay agad nagkaroon ng pali tan ng putok sa pagitan ng magkabilang panig na tumagal ng may 45 minuto.
Nasawi sa insidente ang tatlo mula sa grupo ni Caludtiag at isa naman mula sa grupo ni Karon. (Joy Cantos)