3 opisyal ng Rebolusyunaryong Hukbo ng Bayan arestado

BATAAN, Philippines – Tatlong opis­yal ng Rebolusyunaryong Hukbo ng Bayan (RHB) ang naaresto ng mga awto­ridad kamakalawa ng hapon sa Sitio Bubuyog, Barangay Ibaba sa bayan ng Samal, Bataan.

Sa ulat na nakarating kay P/Senior Supt. Manuel Gaerlan, kinilala ang mga suspek na sina Rafael Limcum Pao,alyas Pacoy/Jeeboy/Gemo, 49, secretary ng MLPP/RHB sa Bataan at Party Committee sa Central Luzon ng Pilar; Domingo Alcantara, alyas Michael/Boyet/Mike, 41, pinuno ng Manila Bay Coastal Wide area Front Committee (extension unit ng Bataan MLPP/RHB), provincial finance officer ng MLPP/RHB at si Archie Batan y Tagorio, 23, leader ng Kilusan ng Pamban­sang Demokrasya ng Brgy. Ibaba, Samal.

Napag-alamang nagpu­pulong ang tatlo sa bahay ni Patricio Esconde nang arestuhin ng mga awto­ridad habang nakatakas naman ang tatlong iba pa.

Nakarekober sa mga suspek ng dalawang baril, ibat’ ibang bala, 3 granada, 2 backpack at mga suber­sibong dokumento. - Jonie Capalaran