ILOILO CITY, Philippines – Tugis ngayon ng pulisya ang isang konduktor na nangholdap ng pampasaherong bus na pag-ari ng kanyang amo kamakalawa ng umaga sa bisinidad ng Barangay Ungka 1 sa bayan ng Pavia bayan, Iloilo. Ang suspek na si Marlon Enanoria ng San Enrique, Negros Occidental, ay sinasabing sumakay at nangholdap sa Ceres Bus (FWM 741) mula sa Maynila sa nabanggit na bayan. Ayon kay SPO1 Roger Patingo, nalimas ng suspek sa mga pasahero ang dalawang celpon, P4,500 at ang P20,000 mula sa kabarong konduktor na si George Setias. - Ronilo Ladrido Pamonag