Jail guard napatay sa binyagan

ILOILO CITY, Philippines – Madu­gong kapistahan at binya­gan ang sumalubong sa mga residente makaraang pag­babarilin hanggang sa mapa­tay ang isang jail guard na tumatayong isa sa ninong kung saan da­lawang iba pa ang nasuga­tan kamakalawa ng umaga sa Barangay Agu­sipan sa bayan ng Badia­ngan, Iloilo.

Napuruhan sa ulo ang jail guard ng Iloilo Rehabilitation Center na si Gerry Cortuna, habang sina Lo­reto Con­sumo at Leo Par­reno ay su­gatan matapos mamaril ang limang kala­lakihan sa bahay ni Ludo­vico Consumo sa Sitio Baong, ayon kay P/Senior Supt. Ricardo dela Paz.

Tugis naman ng pulisya ang mga suspek na sina Samuel Manajero, Rodney Peregrino, Eliseo Maba­yag, Rolando Consumo, at isang alyas Reynan.

Base sa ulat, lumilitaw na pakay talagang patayin ng mga suspek ang may-ari ng bahay na si Ludovico subalit nadamay sa cross­fire ang biktima kung saan tinangay pa ang kanyang service firearm na cal. 45 pistol.

“There is a dispute among the Consumos; in fact one of the suspects is also surnamed Consu­mo,”pahayag ni dela Paz.

May teorya ang pulisya na isa sa motibo ng kri­men ay personal grudge. Ronilo Ladrido Pamonag