Laptop ni Francis Magalona, sinikwat

RIZAL, Philippines – Nagpalabas ng pabuya ang misis ng na­mayapang King of Rap na si Francis Magalona sa sinumang makapagbabalik ng laptop computer ng kan­yang yumaong mister matapos nakawin sa loob ng kanilang bahay sa Anti­polo City, Rizal.

Sa reklamo ni Pia Ma­galona, 38, sa himpilan ng pulisya, dakong alas-10 kamakalawa ng gabi nang madiskubre nila ang pag­kawala ng Apple laptop computer sa kanilang bahay sa Cherry Wood, Cottonwood Heights Subdivision sa Barangay San Luis.

Ayon kay PO3 Rodel Druja, na naiwang walang tao ang bahay ng pamilya Magalona nang samanta­lahing nakawin ang laptop computer na personal na pag-aari ni Francis Ma­galona.            

Nagpahayag pa ng pagkadismaya ang pamilya Magalona sa seguridad ng subdibisyon dahil sa ma­raming insidente ng na­kawan ang nagaganap subalit hindi maresolba ng mga security guard at maging ng pulisya.

Handa namang mag­bigay ng pabuya si Pia sa sinumang mag-kaka­pag­sauli ng laptop sa ka­nila na napakaimpor­tante dahil sa nakaimbak na mga im­pormasyon na mismong ang Hari ng Rap ang lu­mikha. - Danilo Garcia