NAGA CITY, Philippines – Pinagbabaril at napatay ang isang negosyanteng mister makaraang pumalag sa holdap kamakalawa ng madaling-araw sa pamilihang bayan ng Naga City. Napuruhan sa ulo ng bala ng baril ang biktimang si Rafael Lagrimas 47, ng Tapaz Compound, Magsaysay Ave sa nabanggit na lungsod. Base sa police report, lumilitaw na nag-aayos ng panindang karne ng baka sa loob ng palengke nang lapitan at holdapin ang biktima. Napag-alamang pumalag sa mga holdaper ang biktima kaya binaril siya sa ulo at apat na bala sa katawan. Naisugod pa sa St. John Ospital ang biktima subalit namatay din. - Francis Elevado