KIDAPAWAN CITY, Philippines – Pinaniniwalaang may kaugnayan sa bawal na droga kaya pinagbabaril hanggang sa mapatay ang magkapatid na babae ng ‘di-pa kilalang lalaki sa Purok Krislam, Barangay Poblacion sa bayan ng Kabacan, North Cotabato kamakalawa ng hapon.
Kapwa napuruhan sa ulo ng bala ng baril ang mag-utol na sina Undang Mangcong, 36; at Laga Mangcong, 27, kapwa may-asawa, at naninirahan sa nabanggit na barangay.
Ayon sa police report, nagkukuwentuhan ang mag-utol sa gilid ng kalsada ng Purok Krislam nang lapitan at ratratin ng tatlong ’di-pa kilalang lalaki. (Malu Manar)