7 bangkay sa Chemtrad, nakuha na

BAYOMBONG, Nueva Vizcaya, Philippines – Matagumpay na naia­hon ang pitong bang­kay mula sa bumagsak na Chem­trad plane matapos na luma­pag ang chopper kahapon sa kaguba­tan ng Sierra Madre na nasasa­kupan ng Baggao, Caga­yan.

Ayon kay P/Chief Supt. Roberto Damian, Cagayan Valley police director, na­dala na ng mga rescue team ang 7 naag­nas na bangkay sa temporary landing zone ilang metro ang layo sa kagubatan kung saan bumagsak ang Chemtrad sa Sitio Baying, Barangay San Miguel sa Baggao.

 “We have successfully retrieved the seven cadavers from the wreckage. The bodies were entangled in the wreckage which was strewn at an altitude of more or less 5,200 feet ne­ces­sitating the transport of special tools,” pahayag ni Damian.

Kabilang sa mga bikti­mang na nakatakdang kila­lanin ng kani-kanilang ka­mag-anak ay sina Captain Tomas Yañez, co-pilot Captain Ranier Ruiz, pasahe­rong sina Councilor Abe­lardo Baggay, SPO2 Rolly Casta­ños, Celestino Sala­cup, pa­wang residente ng Ma­cona­con, Isabela; Chair­man Joel Ba­silio ng Brgy. Sapinit, Divi­la­can, Isabela; at si James Ba­kilan. Victor Martin at Joy Cantos