Pulis niratrat sa diskuhan

MANILA, Philippines - Kasalukuyang nakikipaglaban kay kamatayan ang isang bagitong pulis matapos ratratin ng di-pa kilalang lalaki sa disco party sa bisinidad ng Brgy. Calambua sa bayan ng San Remegio, Cebu, kamakalawa.

Kinilala ang biktima na si PO1 Pasaylo Ban­dolon ng PCP Station 7 sa Mandaue City, Cebu.

Ayon sa im­­bes­ tigasyon, lumitaw na nakaramdam ng panu­nubig si PO1 Bandolon kaya nagpaalam sa kaniyang dala­wang utol sa benefit disco.

Bigla na lamang pinagbabaril ang biktima ng hindi pa nakilalang arma­dong lalaki habang jumi-jingle sa damuhan. Ang biktima ay unang isinugod sa Bogo District Hospital subali’t inili­pat sa ospital sa Cebu dahil sa maselan nitong kalagayan. (Joy Cantos)