MANILA, Philippines - Kalaboso ang binagsakan ng isang Briton at tatlong Pinay makaraang maaresto ng pulisya dahil sa pagpapalabas ng lewd show sa isang beach resort sa Puerto Galera sa Mindoro Oriental, kamakalawa.
Sa ulat na nakarating sa Camp Crame, nakilala ang mga suspek na sina Michael Patrick Murchan, British national, 41, pansamantalang naninirahan sa #56 Jack Daniels Apartment sa Brgy. Sabang Puerto Galera; Jenny Valdez, 24, entertainer ng Sang Disco at residente ng Brgy. Muzon, Taytay; Joan Miranda, 22, ng Hanzun Ville, St. Sta Monica, Angeles City, Pampanga; at si Aleli Ramoran, 23, dancer, ng #85 Chest Clinic, Tramo, Pasay City.
Napag-alamang sinalakay nina PO3 Ruel Reyes, PO2 Leyna Agleron ng Womens Children Protection Desk, kasama ang mga brgy. kagawad na sina Antonio Arago at Crisencio Caspe sa Big Apple Dive Resort sa Barangay Sabang.
Sinasabing ang pagsalakay ay ginawa base sa im pormasyon natanggap ng pulisya kaugnay sa talamak na lewd show sa nasabing lugar kung saan naaktuhan ang mga kababaihan habang nagsasayaw ng walang saplot sa kanilang katawan. Ricky Tulipat