Bagong graduate pinugutan

LEGAZPI CITY , Philippines  – Isang 13-anyos na binatilyo na ba­gong graduate sa ele­men­tarya ang tinuhog ng kahoy at pinugutan ng isang lalakeng may topak umano sa ulo sa Sitio Ca­bohahan, Barangay Bo­ton, Casiguran, Sor­sogon ka­makalawa ng hapon.

Nakilala ang biktimang si Dennis Lauriara na re­sidente ng naturang lugar.

Agad namang nadakip ng mga awtoridad ang suspek na si Allan Gregory Esperansante, 39, binata, at residente rin sa Boton.

Ayon sa ulat na naka­rating kay Casiguran Ma­yor Ma. Ester Hamor, ang insidente ay naganap da­kong ala-1:00 ng hapon habang ang biktima ka­sama ang ilang mga kaibi­gan nito ay naglalaro.

Biglang dumating ang suspek na may hawak na itak, sinunggaban ang bik­tima at walang sabi-sabing pi­nagtataga ito hanggang pugutan ng ulo at tuhugin ng kahoy ang katawan ng binatilyo.

Ang suspek ay pabalik-balik na sa isang mental institution sa Dr. Susano Rodriguez Memorial Hospital na kung saan ito ang pa­gamutan ng mga may sira ang ulo.

Sinabi pa ng alkalde na ito ay kanilang unang ipina­dala sa naturang pagamu­tan su­ balit ito ay nakabalik sa lugar dahil ito ay asal ma­tinong pag-iisip na muli umano.

Ngunit kamakalawa, nagwala ang suspek hang­gang sa matagpuan at pa­tayin ang biktima.

Ang suspek naman ay ka­­salukuyan nang nakaku­long na sa himpilan ng pulisya at ini­hahanda na rin ang pagsa­sampa ng kaso laban dito. (Ed Casulla)