Jueteng, umarangkada sa Nueva Vizcaya

BAYOMBONG, Nueva Vizcaya, Philippines – Muling nabuhay ang operasyon ng jueteng sa buong lalawigan ng Nueva Vizcaya sa kabila ng kautu­san ni Pangulong Gloria Ma­capagal-Arroyo sa mga opis­yal ng lokal na pamaha­laan na ipatigil ang nasabing iligal na sugal.

Ayon kay Bishop Villena na tumatayong chairman ng Regional Development Council, ang pag-endorso ng mga opisyal ng local na pama­ halaan at provincial board member sa Meridien Vista Gaming Corp ng Ca­gayan Economic Zone Authority ay hindi nara­rapat dahil ito ang sina­sabing bumuhay sa ope­rasyon ng jueteng.

“Tinawagan ko mismo ang pamunuan ng Philippine Charity Sweepstakes Office (PCSO) at kinum­pirma sa akin na walang permit ang PCSO para mag­karoon ng STL o anu­mang uri ng online game sa Nueva Vizcaya,” pahayag ni Villena.

Ayon naman sa ilang kabo at kubrador, ang ka­nilang ginagamit na papel lang umano na may tatak na MVGC ang naiba, suba­lit ang takbo ng operasyon ay jue­ teng pa rin na may tat­long be­ses naman bino­bola kada araw.

Maging ang lalawigan ng Isabela at Cagayan ay patu­loy pa rin ang operas­yon ng jueteng sa kabila ng pana­wagan ni PGMA na ipahinto ang operasyon nito. Victor Martin