NPA umamin sa ambush

MANILA, Philippines - Inamin ng tagapagsalita ng Magtanggol Roque Command ng Front 51 ng New People’s Army na si Ricardo Fermiza na sila ang tumam­bang at nakapatay sa hepe ng pulisya ng Bansalan, Da­vao del Sur, sa dalawa nitong tau­ han at sa isa pang ba­rangay tanod noong Pebrero 2. 

Nilinaw naman ni Fermiza sa isang pahayag na hindi ba­ wal sa Geneva Convention ang command-detonated explosive na ginamit nila sa pananambang sa mga biktimang sina Sr. Insp. Emliex Mabalot, hepe ng Bansalan Police; PO3 Roel Salces, PO2 Luis Bernie Humol, at kay Rudy dela Paz, tanod ng Barangay Managa, Bansalan sa Sitio Tower sa Managa rin.

Sa hiwalay na ulat, nada­kip ng pulisya ang dalawang lider ng New People’s Army sa Barangay Bata, Bacolod City, Negros Occidental ka­makalawa.

Kinilala ang mga ito na sina Rogelio Danosoldo, kalihim ng Northern Negros Front Committee, at Roberto Espinosa, squad leader ng Squad 1, Platoon 1 ng Kilu­sang Larangan ng Hilagang Negros. (Malu Cadelina Manar at Joy Cantos)