MANILA, Philippines - Dinukot ng mga hinihinalang miyembro ng Pentagon kidnap for ransom gang ang isang negosyan teng Filipino-Chinese at sampung taong gulang na anak nitong babae sa Cotabato City kamakalawa ng hapon.
Ayon kay Cotabato City Police Director Senior Superintendent Willie Dangane, dakong alas-5:00 ng hapon kamakalawa nang dukutin ng mga armadong suspek ang mag-amang sina Wilson Tan, 50 anyos at anak nitong si Jennifer, kapwa residente ng Don. E. Sero St., Rosary Heights sa naturang lungsod.
Base sa imbestigasyon, ang mag-ama ay dinukot ng mga suspek sa harapan ng kanilang tahanan habang lulan ng kanilang sasakyang abong Mazda van na may plate number MVR 879 ka sama ang misis nitong si Janet.
Nagawa naman ni Janet na makatakbo palayo habang nagkakagulo ang kanyang asawa at ang mga kidnapper sa loob ng sasak yan.
Ang mga suspect ay mabilis na tumakas patungo sa direksyon ng Sitio Camasi Poblacion 9 kung saan ay ginamit pa ng mga itong getaway vehicle ang sasakyan ng pamilya.
Natagpuan kinalaunan ng pulisya ang sasakyan ng mga biktima ngunit sinunog ito ng mga kindappers.